මෙන්න බොලේ ටීටීයා පියාබනවා

මේ ජිල්මාට් එක උනේ අපි නවය වසරෙදි. එතකොට අපි හිටියෙ ස්කෝලෙ බෝඩිමේ. ඔය දවස් වල අපි ෆුල් ආතල් එකේ හිටියේ. ඒ දවස් වල 5.15 ඉදන් 6.15 වෙනකම් සෙල්ලම් කරල ඉවරවෙලා මුණ එහෙම හෝදගෙන ටී එකක් එහෙම ගහල නිදාගන්න යන්න ලෑස්ති වෙන්න ඕනි.(යන්නෙ පාඩම් කරන්න ඒ උනාට අපේ උන් කරන්නෙ නිදාගන්න එක).


අපිට ඔය වැඩේට පැයක් ඕනි නෑ. විනාඩි 30 හොදටම ඇති. ඉතිරි වෙලවෙ අපේ කොල්ලො කරන්නෙ චැටක් දාන එක හරි පොඩි ජිල්මාට් සෙල්ලමක් කරන එක හරි. ඔය ජිල්මාට් එක විච්චදවසෙ අපි කලේ ජිල්මාට් සෙල්ලමක් දාපු එක. ඒක ඉතින් සෙල්ලමක්ම කියන්න බෑ අපි කලේ අපේ සෙට් එකේ අහුවෙන අහුවෙන එකාව පෙරලගෙන ගහන එක. ඒකෙ මැක්සා ආතල් එකක් තියෙනව. 


අපේ සෙට් එකේ ජොල් ඇගවල් තියෙන උන්ට හිටියෙ ඌරයි ෂෙට්ටියයි. අපි කරන්නෙ මුන් දෙන්නව ඇදට දාගෙන ඔක්කමල ගහන එක. නැත්ත්නම් අපි එක එකා තනියෙම මුන්ව පෙරලන්න ගියොත් අපිට ඉතින් සදාසොත්ති. අපේ සෙට් එකේ ආතල් බුවෙක් හිටියා ටීටී කොටා කියල. මූ මැක්සා බුවා. මුට ටීටී කියන්නෙ මුට හොදට ටේබල් ටෙනිස් ගහන්න පුලුවන් ඒකයි. (ටීටීයා ඉන්ටනැෂනල් ප්ලේය කෙනෙක්)


හරි හරි තව පොඩ්ඩෙන් කතාව අමතක වෙනව. ඉතින් කිව්ව වගේ අපි කොල්ලො ඔක්කොම අපේ ෂෙට්ටියව ඇදට දාගෙන උඩ පැන පැන කෙලියා. දැන් ඉතින් මුට පාන් කියාගන්න පණ නෑ. අපේ ඊළග ටාගට් එක උනේ ඌරා. අපි ඔක්කමල දැන් ඌරව බිම දාන මිෂන් එක දෙන්න ඌරව වට කලා.ඒ වෙලාවෙ එක පාරටම අම්මෝ....  ගාලා මොකෙක්ද එකෙක් බෙරිහන් දුන්නා. බලද්දි මෙන්න බොලේ ටීටීයා පියාබනවා. හැබැයි වැඩි වෙලා උඩ හිටියේ නෑ සිමින්ති පොලව උඩ ගෙම්බා පොලවෙ ගැහුව වගේ බිම වැ‍ටුනා. අපි හිතුවෙ මූ ඉවරයි කියල. බලද්දි එච්චර අව්ලක් නෑ පොඩ්ඩක් මුගෙ අලයිමන්ට්ස් අප්සට් ගිහිල්ල අත පය හොලවන්න බෑ. අපි ඉතින් මුගෙන් ඇහුව කොහොමද බන් එක පාරම පියෑබුවේ කියලා. බලද්දි මේකයි සීන් එක.


අපි ඌරට ගහන්න යනකොට ෂෙට්ටියා ඇදේ දිගා වෙලා පණ අදිනවා. ටීටීයට ඔය දවස් වල ෂෙට්ටියත් එක්ක පොඩි ගේමක් තිබ්බ. ඉතින් මේ වගේ චාන්ස් එකක් ආය එනව ඈ. ටීටීය හිටපන් තොට දෙන්නම් ගේම කියල. ෂෙට්ටිය ඉන්න ඇදට ඉස්සරහයින් තියෙන ඇදට ගිහිල්ල දුවගෙන ඇවිත් මුගෙ ඇගට පන්න.(සැ.යු - ෂෙට්ටියගේ එක අතකටවත් ටීටීයා මදිය) ටීටීයගෙ කරුමෙක මහත මේ වෙලවෙම ෂෙට්ටියා කකුල් කෙලින් කරල. මේක ෂෙට්ටියගෙ කකුල් උඩ වැටිලා පවර් එක ඩබල් පවර් වෙලා  ආපු පැත්තටම උඩින් ගියා. ඕකයි මූ රොකට් එක වගේ උඩ ගිහිල්ල තියෙන්නෙ. ඔය කොහොම හරි උනේ ටීටීයගෙ  තරහ වැඩි උන එක.(එහෙම නොවුනොත් තමා පුදුමෙ.)